Mizoram Legislative Assembly pariatna, rorel \hutkhawm vawi 5-ma session vawi 5-na ah hian February ni 19 khan Finance changtu Chief Minister Pu Zoramthanga’n kum 2020-21 Mizoram Budget a pharh a, budget pumpui, cheng vbc 10,715 chu nizan khan pass fel a ni.
Tun \um Assembly rorel inkhawm hian ni 17 chhung a awh a, rorel inkhawm neih ni erawh ni zat erawh ni 12 a ni thung. Session \anni ah Larsap Pu P.S. Sreedharan Pillai-a’n thu a sawi a, a thusawi chungchanga lawmthu sawina motion Pu H Biakzaua putluh chu a tuk February ni 15 ah sawihovin lungrual taka pawm a ni.
Budget Session ah hian member lo ni tawh mi pahnih, Dy Speaker lo ni tawh Pu Lalthankunga leh Govt Dy Chief Whip lo ni tawh Pu C Sangzuala te sunna hun hman a ni a, lehkhapawimawh 13 house dawhkanah pharh a ni a, sorkar bill 6 lut te chu pass vek a ni a, Pvt members resolution pahnih pass a nih bakah Official resolution pakhat pass a ni bawk.
Vawiin rorel inkhawm tawp ni khan Goods and Services Tax siam \hatna tur Taxation Minister Pu Lalchamliana putluh te, Land Revenue Act siam\hatna tur Revenue Minister Pu Lalruatkima putluh te leh ran talhna hmun sawngbawlna dan dinglai siam\hatna tur AH&Vety Minister Dr K Beichhua puhluh te pass a ni a, Tourism Minister Pu Robert Romawia Royte putluh, dan thar pakhat, ‘The Mizoram (Registration of Tourist Trade) Bill, 2020 pass a ni bawk.
