Finance Minister, Pu Lalsawta, Aizawl East II bialtu MLA ni bawk in Saron leh Tuithiang inri-na laia lei tawlh, chhungkaw 10 chuang ten harsatna an tawhna hmuna thil awmdan nimin tlai khan a hmunah a en. Minister chuan he lei tawlh, mihring chenna in engemawzat tichhetu leh kawngpui hnawhping \hintu hi kumin fur ruahtui tlak nasat hmaa siam\hat tum turin kawng enkawltu PWD a ngen a, Tuithiang Local Council pawhin he lei tawlh vanga harsatna an tawh dan Minister chu an lo hrilh a ni. Nikuma he lei tawlh hian Pu C. Challiana (L) leh Pu H. Zamana (L) te in chhungkaw 10 chuang luah lai a hnawl bakah tun hnaia hnathawh laiin lei tawlh lehin hemi bula Pu K. Lalruala Assam Type in pawh luah ngam lohin a tichhia a ni.
