Level II Trauma Centre lung phumna inkhawma thu sawiin Pu Lalsawta chuan Civil Hospital chu damdawi in hlun leh mipuiin an pan nasat a nih avangin he Trauma Centre hi chetsualna leh khawrel chhiatna thlen thulha mipuite mamawh em em, nunna tam tak chhanhimna tur a ni dawn niin a sawi a, Plan 12-naah khan District hrang hrang leh National Higway leh State Highway-ah te Trauma Centre hi din tura ruahmanna siam, Mizorama District 7-ah Trauma Centre dinna turin sorkar laipui a\angin sum mamawh, First Instalment hmuh tawh a ni a ti.
Health Minister Pu Lal Thanzara pawhin thu sawiin hriselna turin hmasawnna ruhrel pawimawh neih hmasak a ngai tih sawiin Aizawl Civil Hospital chu Mizorama Dawmdawiin lian ber a nih avangin mipuite mawmawh phuhru turin thuam \hat chhoh zel a ni tih a tarlang a, NEDP sum hmangin hmanraw \ha leh changkang tak tak tam tak lei a nih bakah Hospital building leh Quarters sakna tur sum ruahman a ni a, khum leh Cabin-te hi indaihlohna a nasat avangin tih tam zawk neih theih nan leh changtlung zawka siam turin hma lak zel niin a sawi a ni.
Health Minister chuan General Building tih a hawn tak chu kum upa lam tan bik a ni tih sawiin, a hmingah pawh Geriatric Ward tih a ni tih niin a sawi a ni.
Trauma Centre Rs 6,21,50,000/- senga sak tur a ni a, hetah hian khum 20 leh Operation Theatre a awm dawn a ni. General & Private Ward Building hi Rs 6,02,00,000/- senga sak a ni. Finance Minister leh Health Ministerte hi MLA 2, Pu John Siamkunga leh Pu Lalrobiaka te bakah Dawrpui Local Council hruaitute leh Civil Hospital doctor ten an \awiawma, inkhawm hi Health and Medical Education Director Dr. T. Lalhmangaihi’n a kaihruai a ni.
