H. Lalvenmawii hi Pu H. Kapliana fanau, Sangau -I huam chhunga cheng a ni a, May 4 leh ni 11 chhung khan ramri-a duty te eirawngbawl tura riaklut zingah a tel a, a duty lai hi a damlo tan a, sikserh natna a kai tih hriat chhuah a ni a, vawiin chawhnu dar 1:00Pm khan Sangau PHC ah a boral a ni. Nl H.Lalvenmawii ruang hi zanin hian Sangau-I ah tlaivarpui a ni ang a, naktuk ah Sangau-I thlanmual ah vui a ni ang.
Sangau-I YLA leh Sangau-I Task Force te chuan Covid 19 laka mipuite an him theihna tura a duty lai, sikserhin a man avanga boral ta Nl. H.Lalvenmawii hi an sun hle tih an sawi a, an ui zia leh zahna lantir nan thlanpui an laihsak dawn tih Sangau-a kan correspondence chuan a sawi.
