He thil puak hi a ring hle a, lei a nghawr nat avangin Ahlbach farmland-a chengte chuan lirnghing niin an ngai a ni.
Mithiamten an chhuinaah bomb hnu hma hmuh tur a awm lova, arsi kehthem tla nia ngaih theih a ni.
Drone hmanga enfiah a nih leh hnuah kum sawm bi hmalama pound 550-a rit bomb thlak tlawlh, inphumbo ta leh khawih chet loha rei tak a awm avanga leiin a eichhiat rawn puak chhuak a nih an ring a ni.
Kum 1940 leh 1945 khan \angrual indo thlawhna te chuan ton maktaduai 2.7 -a rit bomb Europe-ah an thlak a, \henkhat chu German lamah a tla a, hei hian Nazi indona hmanruate a tichhe vek a, German mipui 400,000 an thih phah bawk a ni.
Smithsonian chanchinbu-in a tarlan danin German-a bomb thlak zaa 10 te chu a tlawlh a, leiin chilh hnanin hunrei tak hnuah ruangam engmaw ang takin a lang a, kang\helhtute, in satute leh hnathawktu chi hrang hrangin a hmuchhuak fova, tunah chuan ngaiah an neih tawh hial a ni.
