Syria Ghouta-ah tûr hmanga inbeihna a thleng leh nia hriat a ni a, nizan lama sorkar indo thlawhna-ten hel pawlte an beih hnuah, mi 60 vel thawk lama harsatna nei an awm thu leh, an enkawl mek thu, Syrian American Medical Society chuan a sawi. SAMS chuan an damlo enkawl zinga mi 29 vel chu Chlorine-a beih an ni ngeia an hriat thu an sawi bawk a ni. He thil thleng vang hian Red Cross leh Red Crescent-te chuan hna an thawk chhunzawm thei rih lo tih an sawi a, vawiin lama Douma-a tangte ei tur leh chhawmdawlna dang phurh thlen an tum pawh an thulh rih tih an sawi bawk a ni.
Ghouta-a inbeihna hi a la tawp mai dawn lo niin a lang a, kum sarih hel pawlte nen an inbeih hnuah, Syria sorkar chuan nuai chimih a tum hle a, nimin lamah khan Ghouta hi tan tlangin, hmun hnihah hel pawlte hi a nawr bet mek a, an inbeihna-ah hian civil mi 87 an thi leh niin Syrian Observatory for Human Rights chuan a sawi a ni.
