Government Mizoram Law College ah vawiin khan dan lama tanpui ngaite pan theih tur Legal Aid Clinic hawn a ni. Govt Mizoram Law College Principal Dr Rualkhuma Colney kaihhruai inkhawmah heng thil chi hnihte hi Aizawl District Legal Services Authority Secretary Pi R Lalduhawmi’n a hawng a ni.
Legal Aid Clinic rual hian mipuite hnena dan leh hrai zirtir hna thawktu tur Legal Literacy Club pawh Govt Mizoram Law College ah hian din nghal a ni bawk a, heng hmalakna thar pahnihte hi State Legal Services Authority leh Aizawl District Legal Services Authority te thlazar hnuaia bultan a ni a, Legal Aid Clinic hi Advocate Pu K. Lalnuntluanga’n hun pumin a thutchilh ang a, ani bakah hian dan zirlai Para Legal Volunteer 10 ten an vil thin dawn bawk a, dan leh hrai kaihhnawih harsatna nei, a duh apiangin an pan thei dawn a ni.
