Greater Noida-a in chhawng sang pakhat chim thuah mi 3 man an ni

Uttar Pradesh Greater Noida-a nimin tlaia in chhawng sang chim kaihhnawiha man te zingah hian in satu leh a neitu pawh an tel a, dan chi hrang hrang tlawh chhanin FIR thehluh a ni. He in chim hi chhawng 6-a sang, la sak lai mek a ni a, in chim avang hian a sira hnathawktu mi \hahnem tak chu an la tang a, ruang pathum hmuh a ni tawh a, NDRF team pali ten chhanchhuah hna an thawk mek a ni. Chief Minister Yogi Adityanath chuan in chim chhan hi chhui chiang turin thupek a siam nghal a, nunna chan leh hliam te chu zangnadawmna pek an nih tur thu a puang nghal a ni. District Magistrate chuan Magisterial Enquiry din nghalin ni 15 chhunga report thehlut turin a ti a. State sorkar thupuangtu Srikant Sharma chuan chhui chian ngai zawng zawng, hnathawktute inthlahdah vang a ni em tih te leh dan bawhchhiat a awm em tih te chipchiar taka chhui a ni ang a ti a, thil tisualtute chu an phu tawk hremna pek an ni ang a ti bawk.