Haryana, Karnal District-a Harshinghpura khuaah hmeichhe naupang pakhat tui chhunchhuah thuk takah a tla a, darkar 18 hnuah lak chhuah a ni a, damdawi in panpui ni mahse, thlenpui anih chuan a thi hman tawh a ni.

Police te chuan he hmeichhe naupang hi a infiam lai chesual palhin an chhungkaw tuichhunchhuahah hian a tla lut tih an sawi a, chhanchhuah hna thawktuten darkar 18 hnua an lak chhuah chuan chhan tur a lo awm tawh lo a ni. Chhanchhuah hna hi District thuneitute leh NDRF ten an thawk a, tui chhunchhuah chhungah hian oxygen te kap lutin theih tawp chhuah mahse, lakchhuah a nih chuan a lo thi hman tawh a ni.