Haryana Home Minister, Anil Vij chuan zu bottle nuai 2 dawn a bo chu sorkarin a ngai thu tak hle tih a sawi a, FIR ziaklut turin thupek a siam nghal a ni. Warehouse atana hman lailawk a\angin zu hi lak chhuah a ni.
Vij chuan inkharkhip a\anga tun thla ni 5 thleng khan an state-ah zu an hralh chhuak lo tih sawiin, nimin a\ang khan zu zawrh chhuah an phal \an tih a sawi a, zu zawrh tur kudam a\anga a bo chungchangah hian zu rutute chuan excise leh police te an tham a rin thu a sawi bawk.
Haryana Home Minister chuan zu bo dan chhui tura a ruat, SIT chu ni 20 chhung hun a pe a, hemi chhung hian thil awmdan leh rukrute chet dan chu an chhui dawn a ni.
Hetihlai hian Madhya Pradesh-ah pawh Bhind Police station strong room-a dah zu bottle 950 a bo va, police pahnih an hna a\angin suspend an ni.
Police station strong room-ah zu dah hi dan lova zawrh zu Police-in an man khawm a ni a, inkharkhip chhungin heng zu te a lo bo zo vek a ni. Thuneitute chuan zu bo dan chu chhui a ni dawn tih an a sawi.
District Superintendent of Police Nagendra Singh chuan Mihona police station strong room-a zu bo \hin chungchangah inkharkhip chhung khan an hralh \hin tih hriattirna a dawng a tih a sawi a, Thawhleh zan khan police station-ah chuan kalin zu man khawm chhinchhiah zat a endik a, zu bottle 950 chu a bo tih a hmu chhuak tih a sawi a, police station in-charge inspector Amar Singh Sikarwar leh strong room vengtu, head constable Ramesh Bansal te chu a suspend nghal tih a sawi.
