Dr R Lalthangliana chuan, kum 10 hnua ram hruaitu dinhmuna a awm leh thei chu Pathian hruaina liau liau a nih thu a sawi a, ram tana ro an relna kawngah Pathian awmpuina an chan reng theih nan leh a thawhpuite nen lungrual taka ke an pen theih nan tawngtaipui reng turin a sawm a ni. Dr R Lalthangliana hian Health Department, Higher & Technical Education leh Commerce & Industries Department te a enkawl dawn a ni. Dr R Lalthangliana hi a chhungte, party hruaitute, MLA Pu Lalrintluanga Sailo leh Department hotuten an \awiawm a ni
Education Minister Pu Lalchhandama Ralte pawhin vawiin khan a pisa thar a luah \an a, Rev. Dr. C Vanlalhruaia’n Pathian hnenah Pisa thar a hlan a ni.
Pu Lalchhandama Ralte chuan, Sorkar thar lo piang chu Mizoram mipui zawng zawngin ka ta an tih theihna tura a kal theihnan theih tawp a chhuah tur thu a sawi a, amah thlangtlingtu Tuivawl bial mipuite hnenah lawmthu sawiin Sorkar chu Zoram mipuite ta a nih avangin an hmalaknaah tawiawm turin a sawm bawk.
Pu Lalchhandama Ralte hian School Education, Labour Employment leh Printing & Stationery Deptt. te a enkawl dawn a, Pisa thar luahnaah hian Aizawl North III bialtu MLA Pu C Lalmuanpuia, Serlui bial MLA Pu Lalrinsanga Ralte, Department hotute leh amah duhsaktute an tel a ni.
Social Welfare Minister thar Dr K Beichhua pawhin vawiin khan a pisa thar a luah \an a, Aizawl Mara Church hruaitu Pu S Paaw an Pathian hnenah pisa thar hlanna leh fuihna thu a sawi a.
Dr K Beichhua a chuan, Politics a luhchilh dawnin Pathian nasa takin a rawn niin a sawi a, rorellai-ah luhtheihna chance nei mah se, Pathianin eptu lamah kum 5 chhung a training tir ta zawk nia sawiin roreltu lama a awm thei ta chu Pathian kaihruaina a nih thu leh lawmawm a tih thu a sawi. Dr K Beichhuah hian Social Welfare Department, Excise & Narcotic leh Sericulture Deptt. te a enkawl dawn a ni.
Rural Development Minister Pu Lalruatkima pawhin Khatlaa New Secretariat-a a pisa thar chu vawiin khan a luah \an a. Inkhawm hi Pu R Thanglura’n a kaihruai a, Rev R Lallianpara’n pisa thar Pathian hnena hlanna leh fuihna thuchhah a sawi a ni.
Pu Lalruatkima chuan kum tam tak a suangtuah \hin a taka a thleng ta chu Pathian hruaina vang a nih thu sawiin lawmawm a tih thu a sawi a, rorelna dik hleih nei lo mipuiten an mamawh anga huaisen taka kal a ngai tih sawiin mipui huapzo thei ang bera hnathawh chu a tum a nih thu sawiin \awng\aipui turin mipuite a sawm bawk.
Pu Lalruatkima hian Rural Development Department, Land Revenue & Settlement Department leh Information & Public Relations Department a enkawl dawn a, pisa thar luahnaah hian a chhungte, department hotute leh party hruaitu ten an \awiawm a ni.
