Lunglei HPC Vice Chairman Pu Lawmawma Tochhawng kaihhruai lawmna inkhawmah hian Higher and Technical Education Minister Dr R Lalthangliana chuan MZU Southern Campus Lungleia din phalna hmuh a ni ta chu lawmawm a tih thu leh Campus neih theihna tura sulsutute thawhrimna leh thahnemngaihna rah a nih thu a sawi a. MZU Southern Campus ti hlawhtling tur hian Department official-te leh MZU hotuten theihtawp an chhuah tih a sawi a, amah pawhin nikum chhung khan sawrkar laipuia MHRD Minister leh Secretary-te hnenah vawi engemawzat a thlen tih a sawi.
MZU Southern Campus ah hian class tan thuai thei tura chak taka bawhzui a ni tih Dr Thangtea hian a sawi a, Pukpuia Engineering College building chu temporary campus atan cheng vaibelchhe sawmpakhat (11) senga thawm that leh siam that hna thawh mek a ni tih a. campus nghet tur pawh Pukpui ram chhungah din tum a nih thu a sawi.
He huna khualzahawm Lunglei West bialtu, Agriculture Minister Pu C. Lalrinsanga bakah Bamboo Development Board Vice Chairman Dr.K.Pachhunga, NGO Coordination Committee, Lunglei Chairman Pu Lalrotluanga leh mi pawimawh dangte pawhin lawmna inkhawmah hian thu an sawi a ni.
