Higher & Technical Education hnuaia Government Colleges leh Institutions Principal te vawiina a kawmnaah Dr. R Lalthangliana hian, Aizawl-a sorkar college-ah kumtin admission ti an pung a, khawpui college chauh ni lo District dang college ah pawh engtin nge admission a pun theih ang tih ngaihtuah a tul a ni a ti a. College Principal te chu Course pangngai bakah thiamna chher hriamna lam, Skill Development Course kalpui theih a ni em? tih ngaihtuahna lo seng turin a chah a, Skill Development Course-a bul tan theih a nih chuan, Aizawl-a College chauh nilo, district dang college-ah pawh eizawnna nei nghal duh zirlai tam takin admission an tih nghal a rin thu a sawi.
College hrang hrangin zirtirna an kalpui dan an sawi a,
Zoom app, Whatsapp leh Google Class hmangin semester khat chhunga zir zawh tur angte zir a nih theih nan, Online class lak thin a nih thu an sawi a, internet service that tawk loh vang leh zirlai ten smart phone an neih loh vanga harsatna an tawh thu te an sawi lang a ni. Thutkhawmnaah hian Higher & Technical Education Board Vice Chairman Dr. Vanlaltanpuia MLA, College leh Institute hrang hrang Principal leh department officer te an tel a ni.
