National Disaster Response Force-in chhanchhuah hna an thawk a, he in chima tang mi 17 te chu chhan chhuah an ni tawh a, in chim karah hian sipai 7 an la tang a, chhanchhuah zinga nu pakhat leh sipai 2 te chu damdawi in panpui an nih hnuah an thi ve leh a ni.
Himachal Pradesh Chief Minister, Jairam Thakur chuan chhiat tawhna hmun hi a tlawhin, vanduaina thleng chu pawi a tih thu a sawi a, chhanchhuah hna thawktu pawlte rang taka an thleng chu a fak bawk a ni. Chief Minister chuan he in chim chhan hi chhui chiang turin thupek a chhuah tawh tih a sawi a, hriat theih chinah in ruhrel chu a \ha tawk lo nia hriat a ni a ti bawk.
He vanduainaa thi sipaite hi an chhungte nen Uttarakhand lam pana kal an ni a, he building, eitu lamna hmunah hian chaw chhun eia an chawlh laiin vanduaina hi a thleng a ni.
Chandigarh leh Shimla inkalpawhna kawng national highway pawh lei tawlhin a hnawhping a ni.
