He thutlukna hi Sai Baba’s Samadhi thuneituten siamin, Sai Baba-a pianna hmun nia ngaih Parbhani-a Pathri tihchangtlun nan cheng vbc 100 Maharashtra Chief Minister Uddhav Thackeray-a’n dah a tum dodal nan Shirdi hi khar an tum a ni.
Saibaba Sansthan Trust ami, B Wakchaure chuan tun thla ni 19-a thuthang dodal nan Shirdi chu khar a ni dawn tih sawiin, sakhaw betu mipuiten harsatna an tawh phah lovang tih a sawi bawk.
Shirdi khua chengte chu Thackeray-a thupuan vangin an thinrim hle a, insawifiah turin CM chu an phut a ni.
Saibaba Sansthan Trust trustee hlui, Kailasbapu Kote chuan Sai Baba pianna hmun chiang taka sawi theih turin document a awm loh thu leh amah ngei pawhin a pianna hmun emaw, khua emaw a sawi chhuah ngaih loh thu a sawi a, Thackeray-a’n Pathri chu Sai Baba pianna hmuna anga a sawi vangin khaw mipuiten an thinrim hle tih a sawi bawk.
Lungawilohna lantir nana Shirdi khar tur hian Shirdi temple te, Sai Prasadalaya, Sai Hospital, Sai Bhaktaniwas leh damdawi dawrte a huam ve lova, Maharashtra State Regional Transport Corporation bus leh hotel te pawh dan pangngaiin an thawk dawn a ni.
