DoNER a\anga sum hmuh cheng nuai 1307 senga sak, Central Women’s Jail hi kum 2015, November thla atang khan sak \an a ni a, nikum August thla khan zawhfel a ni. A chhungah hian Administrative block, Convict Prisoner te awmna tur building, convict la ni lo thubuai ngaihtuah lai mekte awmna tur building, jail tangte hriselna dinhmun endikna tur building, classified prisoners cell block, isolation cell block leh quarters te a awm a, Recreation hall, recreation room, computer room, vocational centre leh quarantine cell te pawh dah tel a ni.
Home Minister Pu Lalchamliana hian Jail chu inhremna mai ni lovin insiamthatna hmuna siam turin mi \hahnemngaite nen hma an la \an mek tih a sawi a, jail chu nun \ha lo simna hmun, an chhuah huna eizawnna \ha an neih theihna tura inenkawlna hmuna siam a duh thu a sawi.
Home Minister hian Social Welfare Department hmalakna-a jail tangte zinga ruihhlo ti \hinte enkawlna tur, “Pilot intervention for drug treatment services among prison inmates” tia vuah pawh a hawng nghal a, Social Welfare Secretary Pi Zoramthangi Hauhnar chuan kum 2017-a zirchianna an neih a\anga an hmuh danin jail tang zinga zaa 31 te chu ruihhlo khawih vanga tang, zaa 66 te chu jail luh hmaa heroin ngawl vei tawh, zaa 88 te chu damdawi hmansual theih chi hrang hrang hmanga inchiu tawh te an nih avangin ruihhlo laka an fimhlim theihna tur leh a kaihhawih natna laka an him theihna tura hmalakna turin he project hnuaiah hian hmalak a ni dawn a ni.
