Hong Kong-ah hmai tuam khapna pawisa loa bawhchhetu mante chu vawiin khan Court-ah an inlan.

University zirlai mipa pakhat leh hmeichhia kum 38-a upa te chu dan phal loha hmai tuamna hman vanga thubuai siamsak hmasa ber an ni a, anmahni thlawptute chu Court chhungah hmai tuamna hmang chungin an lut a ni.

Heng mite hi dan phal loha pungkhawmah puh an nih chuan kum thum chhung lung inah an tang thei dawn a, hmai tuamna hman khapna pawisak loh vangin kum khat an tang thei dawn a ni.

Court pawn lamah lungawi lohna lantirtu pungkhawmte chu Court chhunga luh ngiatin an aurual a, hmai tuamna hman chu dan bawhchhiatna a ni lo tih leh hmai tuamna hman khapna dan chu hleih neia thil tihna a ni tiin an aurual a ni.