Bial 12 awmna Sinlung Hills Council inthlanna neih turah hian Candidate 42 an awm a. MNF leh HPC \angdun chuan Bial zawng zawng chuh kim vekin, MNF in bial 7 leh HPC in bial 5 ah candidate an dah a, Congress party chuan bial 6 ah candidate dahin bial \henkhatah independent candidate an thlawp a. ZPM pawhin independent candidate \henkhat an thlawp bawk a. Recognised party ang chuan MNF in candidate 7, Congress in candidate 6, BJP leh NPP in pahnih ve ve leh HPC in candidate pakhat an nei a ni. Sinlung Hills Council huam chhungah hian khaw 31 awmin, vote nei mi 20,914 an awm a. An zinga 10,509 chu mipa leh 10,405 chu hmeichhia an ni a. He inthlanna neih turah hian Polling Station 38 siam niin, bial 2 – Phuaibuang leh Vanbawng bialah Candiate 5 awmin, Candidate tamna ber a ni a, Candidate tlemna ber Ratu, Zohmun leh New Vervekah chuan Candidate 2 \heuh an awm thung a. Ratu bial chu bial mala Vote nei tamna ber niin, vote nei mi 2,546 an awm a, vote nei tlemna ber New Vervek bialah chuan vote nei mi 1,077 an awm thung a. Polling Station malah Zohmun chu vote nei tamna ber niin, vote 1002 a awm a, vote tlem berna Upper Sakawrdawiah chuan vote 99 a awm thung a ni.
