Mizoram sorkar leh HPC(D) te inremna thuthlung siam angin HPC(D) hel pawl mi 100 chuangte chu an ralthuam nen tunkar chhung hian Sesawnga Central Training Institute-ah an luh hman beisei a ni. Hemi chungchanga ZONET thudawn danin HPC(D) hel pawl mi nunphung pangngaia lo let tur te hi Tuiruang kama Zilthawchhuah a\anga Mizorama lo lut tur an nia, Zilthawchhuah a\ang hian Vaitin khaw kal tlangin Sakawrdaiah an lo lut anga, heta \ang hian anmahni lawmluhna hmun tur Sesawnga Central Training Institute an pan dawn a ni. Hetihlai hian Vaitin leh Zilthawchhuah inkar kawng chhe tawh lutuk nia sawi chu PWD-in an siam \ha tawh a, Sakawrdaia kan Corr. sawi danin HPC(D) an ralthuam nena lo let tur te hian harsatna an tawh loh beisei a ni. Hetihlai hian heng mite tun thla ni 12, kar leh Ningania CTI Sesawnga lawmluh dan tur programme duan mek a ni. Puan tawh angin Mizoram sorkar leh HPC(D) inkara inbiakna hmawrbawka remna thuthlung tun thla ni 2, Thawh\annia siam tak angin HPC(D) hel pawl zawng zawngte hi a bo a bang awm lovin an Chairman, Pu H. Zosangbera hovin nunphung pangngaiah an lo let ang a, an ralthuam neih chi hrang hrang leh silaimute pawh sorkarah an thehlut vek dawn a ni. Hetianga thil tihfel hnu hian HPC Demand Area tia hriatah Sinlung Hills Development Council aia thuneihna sang zawk nei member 14 awmna, Sinlung Hills Council din a ni ang a, he Council din nan hian Mizoram State Legislative Assembly chuan dan thar a siam ang a, chu Sinlung Hills Council din tur chu Chief Executive Member-in a ho anga, Chairman leh Deputy Chairman leh Executive Member pali an dawn a ni. Member zinga 12 chu thlan an ni ang a, a bak pahnih te chu ruat an ni dawn a ni.
