Chief Minister Pu Zoramthanga hova State Disaster Management Authority vawiina \hutkhawmnaah sum hman dan hi tarlan a ni.
Sorkar thuchhuah tarlan danin kum 2019-2020 SDRF sum dawn atangin zaa 25 chu quarantine, sample collection leh screening tihna atan hman theih a ni a, hmanraw mamawh zual leina turin zaa 10 hman phal a ni bawk a, heti hian Mizoram sorkarin SDRF adawng atanga Covid-19 dona atana hman theih chu cheng nuai 700 a ni a, hman bang hi cheng nuai 164 sing 5 sang 3,552 a la awm a ni.
District hrang hrang-a quarantine facility a awm mekte chu a thlawna ei tur pek vek a nih thu leh, nitin mipakhat eitur buatsaihna atan hian cheng 300 ruahman a nih thu pawh thutkhawmnaah hian sawilan a ni a, state pawn a tangkhang lo haw mi 1750 bawr vel tana sum sen ngai tura chhut chu cheng nuai 73 sing 7 sang 5,000 vel a ni a, Rapid test kit mi pakhat tan Rs. 700 man zel hman a ni bawk.
State Disaster Management Authority thutkhawmnaah hian tun hnaia thli leh rial vanga chhiatna thleng chungchang leh tanpuina pek dan te thlir ho a ni a, Fire tender pathum lei belh rawtna an pawm a ni. Thutkhawmnaah hian Deputy Chief Minister Pu Tawnluia, Health Minister Dr. R. Lalthangliana, Home Minister Pu Lalchamliana, P&E Minister Pu R. Lalzirliana, EF&CC Minister Pu TJ Lalnuntluanga leh sorkar mipawmawh dangte an tel a ni.
