Chief Minister, Pu Lal Thanhawla’n kumin HSLC leh HSSLC examnaa Mizo zirlai ti\hate chawimawina Saikuti Hall-a Lunglei Hqrs. Mizo Zirlai Pawl hruaitute buatsaih vawiin khan a hmanpui. Thusawiin Chief Minister chuan zirlai ti\hate chu phur zawk leh \hahnemngai zawka zirna chhunzawm zel turin a fuih a, Mizorama \halai lehkhathiamte chu ram economic dinhmun siam\hatu tur mi pawimawh an ni tih sawiin, an mamawh pek nan Mizoram Youth Commission chuan coaching leh skill development programme a siamsak tih a tarlang a, Central Service-ah leh sipai officer-ah Mizo \halai tam zawk an luh theih nan \an la turin zirlaite chu a fuih a ni. Chief Minister chuan Chhingchhipa Sainik School chu rampum huapa Sainik School awm zinga hmeichhe luh ve theihna awm hmasa ber leh a awmchhun niin a sawi bawk a ni. He inkhawmah hian Lunglei khawpui huamchhunga zirlai distinction-a pass mi 120 vel chawimawi an ni. He inkhawmah hian Chief Minister chuan Lunglawna zirlai pakhat pianphunga harsatna nei Lalruatsaka pa Pu Lalrengpuia hnenah eizawnna turin Auto Rickshaw a pe bawk. He inkhawmn MZP Lunglei Hqrs. Vice President, Pu K. Lalremruata kaihhruaiah hian MZP President, L. Ramdinliana Renthlei pawhin thu a sawi a ni. Chief Minister hi a nupui, Pi Lal Riliani, Pu Joseph Lalhimpuia, MLA, Lunglei Bawrhsap, Dr. Ankita Chakravarty leh SP Pu C. Lalthanmawia ten an \awiawm a ni.
