Ren chuan Trump-a hmalakna chuan Huawei 5G a tihbuai loh thu leh 5G chungchang bikah company dangte’n kum 3 hnuah pawh an leh pelh theih loh tur thu a sawi a, US-a an khawl hman khapna hi ni 90-a tihkhawtlai ni lo pawh nise an inpeihsa thu leh he khapna hian khawvel ramdangte lakah an company chu khap theih loh thu a sawi a ni. Ren-a hian Huawei khawla an chips hman chanve chu an ram siam, a chanve US a\anga an lakluh a nih thu a sawi a, US chips te hi an ramah siam thei tho mahse an lei duh lo tihna a ni chuang lo tih sawiin hemi chungchangah hian Trump-a ngaihdan a pawimawh zawk a ni a ti.
Trump-a’n Juawei hman a khap hnuah Australia chuan pawmpui mahse Australia-a Huawei company thupuangtu chuan he khapna hian Huawei phone emaw tablet emaw nei emaw lei tum te emaw a tibuai dawn lo tih a puang a ni. US-a innghat Google chuan khapna dan puan a nih hnuah Huawei nen an inzawmna a ti tawp \an dawn tih a puang a, Google leh Huawei te an in la hrang anih chuan Huawei smartphone hmang te’n Google hnuaia awm, Gmail, Google Map leh apps dangte an hman theih dawn loh avangin Google leh Huawei te hian hma an lakdan tur an sawi dun a ni.
US leh China insumdawntawnna boruak \ang tak karah he khapna dan hian an inkar a ti\ang leh zual a, European Union-a China palai Zhang Ming chuan Huawei laka US hmalak dan chu a fuh loh thu sawiin a rul tawka chhanlet a ngai a ni a ti.
