Manipur khawpui, Imphal-a Khuyathong venga dawr pakhatah nimin khan bomb chhar a ni a, bomb sut thiamte’n an lak sawn nghal avangin thil pawi a thleng hman lo a ni. Nimin kha ni 10 chhung awh, tun thla ni 21-a President Ram Nath Kovind-a hawn, Sangai International Tourism Festival, 2017 tawp ni a ni a, police-te chuan Imphal hi an veng uluk hle a ni. He dawr hi rod leh in sakna bungrua zawrhna a ni a, dawr neitu, Ajit Patni chuan invauna lam chi engmah a dawng lo niin a sawi a, police-te chuan hel hovin bomb hmang hian Patni-a sum chhuhsak an tum a nih an ring a ni. Bomb sut thiamte chuan bomb hi lak sawn emaw, sut emaw tum a nih ruala puak nghal thei tura kam niin an sawi a, remote control hmangin a tihpuah theih niin an sawi a ni.
Chanchin Thar Imphal-a dawr pakhatah bomb chhar
