Italy mi khualzin te leh an motor khalhtu chuan virus hi an kai tih finfiah a ni a, heng khualzinte hi thla hluia India-a rawn thleng, Rajasthan tlawha zin te an ni a, an vai chuan mi 23 an ni. Nimin lamah Delhi leh Hyderabad ah mi pakhat ve ve coronavirus kai hi hmuh chhuah an lo ni tawh a, Delhi-a cheng kum 45 mi hi tunhnaiah Italy tlawhin a zin a, a chhungte mi 6 pawhin amah a\ang hian virus hi an kai tih Union Health Minister Harsh Vardhan chuan a sawi a, heti hian India ah coronavirus kai hmuh chhuah zat chu 28 an tling tawh tih a sawi.
Union Health Minister chuan ramdang a\anga thlawhna hmanga India rama lo lut zawng zawngte chu coronavirus an kai leh kai loh enfiah vek an ni tawh dawn tih a sawi a, Delhi-a virus kai hmuh chhuah hi Austria a\anga lo thlawk lut anih avangin Delhi Airport ah enfiah a ni lo a, a chuanna Air India pilot leh thawktu dangte leh a chuanpui passenger dang te chu ni 14 chhung an chenna in-a inkhung hrang tura hriattir an ni.
Hyderabad-a coronavirus kai hmuh chhuah hi Bengaluru lam mi engineer a ni a, February ni 20 khan IndoGo thlawhnaah a chuang a, a chuanna thlawhna-a thawktute pawh an dinhmun enthlak mek a ni bawk.Thla hlui lama Kerala mi Coronavirus kai hmuh chhuahte erawh tunah chuan enkawl dam vek an ni tawh a ni.
Prime Minister Narendra Modi chuan Minister te leh state sorkar hotute nen an inpuahchah dan an thlirlet nghal thu a sawi a, mipuite chu chiai lo tura chahin sorkar chuan virus darh palh thei veng zui turin task force a din a ni a ti.
Prime Minister hian mithiamten puipunna hmuna tel loh chu virus darh tur venna atan a pawimawh tih an sawi avangin kar leh lama Holi lawmna turah amah pawh a tel dawn lo tih a sawi bawk.
India chuan Italy, Iran, South Korea leh Japan a\anga khualzinten India an tlawh a khap lailawk rih a ni.
Coronavirus hi miin a kai a\anga ni 2 a\anga ni 14 inkarah a lang chhuak a, khawsik, khuh leh thaw chham te chu a lan chhuah dan tlanglawn a ni a, khawvel pumah mi sing 9 velin an kai tawh a, mi sang 3 velin an thihpui tawh a ni.
