Army Chief hian khatihlaia thil thleng kha kutpalh thil tih a ni lo a, a thleng nawn leh tawh tur a ni lo a ti a, defence service-in tih tur a neih, a \ul ang apiang chu a harsa a nih pawhin Sipaiten an hlenchhuak zel dawn tih a sawi a, ramri pawh venhim reng a ni ang a ti. Khatih hunlaia Prime Minister Atal Bihari Vajpayee thusawi sawi chhuakin, kum 1999-a ramria dik lo taka chetna ti reh turin sipai tirh an ni a, tirh an nih hma pawhin India chuan hnehna a chang dawn tih hria-in engmahin a tilungngai lo a ni a ti a, J&K-a Line of Control-ah kum 1999 May thla leh July khan Pakistan leh India an inep a, Pakistan chuan chan khan \ha tak nei mahsela, India-in hnehna a chang a ni a ti a, kha indona-a thi sipaite, hliam tuar te leh sipai thlawptu zawng zawngte zahna chibai a buk nghal bawk a ni.
President, Ram Nath Kovind leh Prime Minister, Narendra Modi te pawhin Kargil indonaa ram venghimtu sipaite zahna chibai an buk a, Modi chuan indona hmuna sipai huaisen, tumruh leh inpe te chu India-in a hre reng dawn tih a sawi a, Ram Nath Kovind chuan sipai huaisen leh tawh khirh tak tak India-in a nei chu chhuanawm a tih thu leh chawimawi tlak an nih thu a sawi.
