India kutchhuak tuihnuailawng hman tan theih turin peih fel ta

India kutchhuak tuihnuailawng, lawng sipaite hman tana siam chu hman \an theih tura peih fel a ni ta. He tuihnuailawng, INS Kalvari tia koh hi Mazagon Dock Limited leh France company, DCNS \angkawp siam a ni a, India ram chhunga siam a ni. PM, Narendra Modi-a kaihhruai sorkarin company hrang hrangte chu an bungrua leh thil dang, ram chhung ngeia siam chhuahtir a tumna, Make In India beihpui thlak mek bawhzuina pakhat a ni a, Kalvari submarine hi pali siam chhuah tum a ni a, pakhat hi cheng vbc 20,000 senga siam a ni. He tuihnuailawng hi ton 1550-a rit, meter 67-a sei a ni a, tuihnuai leh tui chung pawh kap thei tura duan a ni. Nakkum March thla-ah a pahnihna, INS Khanderi chu peih hman tum a ni bawk a, tuihnuailawng pali bakah hian NDA sorkar chuan tuihnuailawng chi dang 5 siamna tur tender koh thuai a tum bawk.