Heti hian ram pumah hri leng kai zawng zawng chu mi sing 3, sang 7,336 an tling tawh a, mi 1,218 in an thihpui tawh a, Darkar 24 chhungin mi 71 an thi a, khawpui lian zual Delhi, Mumbai, Bengaluru, Chennai leh Ahmedabad te chu hri kai awm tamna hmun, red zone an nih vangin inkharkhip khauh lehzualin kar hnih chhung hman a ni dawn a ni.
Coronavirus a \aidarh zel avangin sorkar laipui chuan thlawhna, rel, metro leh state leh state inkara inkalpawhna te chu a khar chhunzawm zel dawn a, zirna in, hotel, restaurant, cinema hall, mall, shopping center, gym leh infiamna hmun hrang hrangte pawh khar chhunzawm zel a ni ang a, vantlang thil, politics, hnam zia rang leh sakhaw thila punkhawmte pawh khap chhunzawm a ni.
Mimal pawn chhuah te, thil \ul tak ni lova chhuahvahte pawh zan dar 7 a\anga zing dar 7 thleng khap a ni a, sumdawnna hmun leh mimal pisa te chu hawn phal a ni a, amaherawhchu, hnathawktu zaa 33 vel kalin a dang zawng chu in lama hnathawk tura tih an ni.
