Council of Scientific and Industrial Research Director General Dr. Shekhar Mande chuan phar hri danna vaccine MW enchhin chu Drug Controller General of India-in a pawmpui tawh tih a sawi a, a enchhin nan phalna chi hnih an la nghak tih a sawi a, phalna an hmuh kim veleh enchhin nghalin kar 6 hnuah a result a hriat theih dawn tih a sawi.
Hetihlai hian World Health Organization chuan khawvel pumpui deuh thawa coronavirus leng mek laka indanna vaccine chu kum khat emaw a aia rei emaw nghah a la ngai dawn niin a sawi.
Coronavirus danna vaccine hmuh chhuah vat tumin khawvel ram hrang hranga mithiamten an bei mek zel a, chung zingah chuan US leh China te pawh an tel a, tun thlengin khawi ram mahin an la hmu chhuak thei rih lo a ni.
