Inkaihhruaina ang chuan damdawi ina thi leh coronavirus vanga damdawi hmanga enkawlte chu postmortem ngai lo, non-MLC-ah dah an ni a, Covid-19 vanga thi nia rinhlelh, damdawi ina lak chu rikrum thil angin doctor ten an ziaklut ang a, an ruang mortuary-ah thawnin, Police te an hriattir ang a, heta \ang hian a thih dan tichiang turin medicolegal autopsy tih a ngaih dawn leh dawn loh an enfiah tur a ni.
Tualthah, chetsualna leh mahni intihhlum tum vanga damdawi ina lak a, damdawi ina thi te chu forensic autopsy tih nan clinical records leh lehkhapawimawh dang thawn tel zel a ngai dawn a, forensic autopsy tih zawhah dan bawhchhiatna lam thil an taksaah hmuh a nih loh chuan Police te chuan medico-legal autopsy tih ngai lo turin thu an pe thei dawn a ni.
Medic-legal autopsy kaihhruaina danah hian Covid-19 test report nghah chhungin ruang dahna a\angin mitthi chu lakchhuah theih a ni rih lova, dan anga thil an tih zawh veleh district administration hnenah an hlan theih chauh a ni. Hemi hun chhung hian mitthi chhungte chu mi pahnih aia tam ruang bulah awm phal an ni lova, ruang a\anga meter 1 danah tal an awm tur tih a ni bawk.
