Indian Medical Association Mizoram State Branch hruaituten, state dang atanga lo haw hmasaten RT PCR hmanga test an nih hmaa Quarantine centre an chhuahsan hman chu pawi an tih thu an sawi a. RT-PCR hmanga test leh vek an nih theih nan sorkar hnenah rawtna an thlen tih an sawi.

Mizoramin hrileng a hmachhawn mek chungchangah IMA hruaitute hian AMC atang tanpuina cheng nuai 2 an dawn chu Laboratory technician 6 rawih nan an hmang mek tih an sawi a, Community Quarantine Center 217 a awm mi 1890 te dinhmun an enfiah mek tih leh Home Quarantine-a awm mi 180 te an vil tel mek tih an sawi.

IMA hruaitute hian mipui kharkhipna thupek khauh zawka kenkawh chu mipui himna tur a nih avangin thlawp turin mipuite an ngen a ni. IMA hruaituten hri leng mek chungchanga sorkar hmalakna an hmuh dan leh rawtna an neihte hi Zanin dar 8 hian Zonet Zawlbuk-ah tih chhuah a ni ang.