I&PR Department-in Journalist-te nena kum thar inhlanna leh inkawm hona an buatsaih a hmanpuinaah Pu Ruatkima hian thuthar thehdarhtute chu rawngbawlna pawimawh tak chelhtu an ni tih hria a, mahni intuai thar zel turin a fuih a ni. Khawvel hi fam kim lohna khawvel a nih avangin amah ngei pawhin a tur tur tih loh emaw a tih loh tur lo tih palh emaw a nei a nih chuan ngaidam tur leh ram rawngbawl hna an thawhna kawngah finchhuah zel turin a chah a ni. Pu Ruatkima chuan, Journalist-te chu mipui beng an nih avangin an tan sorkar-in ruahmanna hrang hrang a siam tih sawiin, Advertisement rate leh Journalist Contributry Pension Scheme duan mek pawh kumin chhunga peih hman tum a nih tur thu a sawi.
He inkhawm IPR Joint Director, Pu C. Lalnunkima haihhruaiah hian Director, Pi Lallianpuii pawhin, I&PR Department leh chanchinbumite chuan inlaichinna hrisel an neih chhunzawm zel a pawimawhna tih a sawi a. ram rawngbawl hna an thawhnaah midang tana malsawmna nih tum \heuh turin a chah bawk.
MJA President, Pu Zonunsanga Khiangte pawhin, chanchinbumite hmasawnna tur leh ham\hatna tura Sorkar-in hma ala zel chu an lawm hle tih a sawi a. An intuaitharna atana Study Tour, training leh workshop buatsaih \hin chu thil \angkai tak a nih avangin hetiang programme hi a tam thei ang ber buatsaih zel turin a ngen nghal bawk. He inkhawmah hian nikum chhunga MJA member chantuan ram pan ta mi 5- MJA Vice President ni lai Pu R. Lalhmangaihzuala, Pu A.Rodingliana Thuthar Editor, Pu Laldingliana Sailo Zonet News Editor, Pu Richard Lallawmzuala Zoram Tlangau News Editor leh Pu D.K. Lalhruaitluanga, Rihlipui Editor Champhai sunna an ni.
