Union Home Ministry-in dawr hawn phalna thupek hi nizan khan a tichhuak a, Ministry of Home Affairs in mipui kharkhipna kal mekah dawr hawn phal chin a puan belh hian shopping mall tiam lovin thingtlanga dawr zawng zawng a huam tih a sawi.
Thingtlang lama dawr zawng zawng hawn phal a nih bakah hian khawpuiah chuan, dawr mal din ang chi ho te, veng chhung dawr ang chi te pawh hawn phal a ni bawk a, bazar hmunpui ang chi leh shopping mall ang chi te erawh hawn phal a la ni lo thung.
Hetihrual hian e-commerce company te chu nitin khawsakna atana mamawh chin te chauh pe chhuak rih tura tih an ni bawk.
Home Ministry hian zu leh a kaihhnawih te chu hralh chhuah a la remti rih lo a ni.
Sorkarin, hri leng inkai darhna hmun, containment zone-a a puanah te erawh dawr hawn phalna hian a huam lo a ni
vawiin atanga dawr hawn takah te hian hmaituamna leh kutkawrte hmantir an ni a, social distancing chu ngaipawimawh turin dawr neitute leh anmahni dawrtu turte chu hriattir an ni.
Hetihlai hian mipui vantlang hman thin, lirtheite din tir chhunzawm a la ni a, mahnia lirthei nei lo, dawra thawkte chu an kalna tur inngaihtuah chawp mai tura tih an ni.
Ministry of Home Affairs chuan Shops & Establishment Act hnuaia inziaklut dawr zawng zawng chu inkharkhip chhunga inkhuahkhirhna puanin a huam tel lo tih a sawi a, mutli-brand mall te erawh hawn phal zingah a la tel lo tih a sawi bawk.
