Hemi chungchanga ZONET zawhna chhangin PWD E in C Pu K. Lalsawmvela chuan Mizoram hmun hrang hranga kawng laih leh siam \hat hna an thawh zingah NH 44A Dampui leh Mamit diversion KM 17 laih turah KM 16.50 an zawh tawh thu a sawi a, KM 12 black top zawh tawh a nih thu a sawi a, KM 3 ah lung phah a ni tawh bawk tih a sawi a, khuain a zir chuan an laih hmabak zawng chu May thla chhungin zawh hman an beisei tih a sawi.
Pu K. Lalsawmvela chuan Siaha District a Myanmar panna kawng Chakhang leh Siasi inkar KM 20 a thui laih turah KM 15 vel sial zawh tawh a ni tih a sawi a, Saitual leh Phullen kawng alkatra luan tura ruahman KM 28 ah km 15 zawh a ni tawh a, Keifang-Kawlkulh road resurfacing hna thawh mek a nih thu te, Haulawng – Pukpui inkar kawng KM 29 a thui pawh KM 25 leh Aizawl-Muallungthu, Kei\um-Chekkawn resurfacing te zawh fel a ni tawh tih a sawi.
Pu K. Lalsawmvela chuan Asian Development Bank sum hmanga Thenzawl leh Buarpui inkara Tlawng Lei dawh hna chu kar hmasa khan dawh kai a ni tawh tih a sawi a, lei luhna leh chhuahna lai cement concrete chhun hmabak a la awm a, harsatna dang a awm loh chuan May thla chhunga zawh hman beisei a nih thu a sawi. Serchhip leh Zawlpui inkara Mat lui Chawmkai Lei feet 180 a sei pawh tun thla ni 18 khan dawh kai a ni tawh a, he lei hi helai chhehvel khua te lirtheia inkalpawhna tur a ni
