Foreign Secretary Jeremy Hunt chuan Iran hian, dan bawhchhiain kawng hlauhawm tak a zawh lui a ni a ti a, he lawng hi Strait of Hurmuz ah hren a nih avangin a neitu in an be pawp thei lo a, UK sorkar chuan he thil thleng hi a ngai thutak hle tih sawiin, Iran thil tih dan chu pawm theih a ni lo a ti. British lawng dang pakhat MV Mesdar pawh Iran sipaite hian an luh chilh a, hei erawh an chhuah leh nghal a ni.
British lawng, Stena Impero hi Iran lawng sipai Revolutionary Guard ten nimin khan Gulf ah an man a, he lawng hi indo lawng pali leh helicopter in an hual tih Foreign Secretary Hunt hian a sawi.
Hetihlai hian Hormozgan director general Allah Morad Afifipoor chuan British tuialhthei phur lawng, Stena Impero hi sangha manna lawng nen an insut avangin an insut chhan chhui chian tura hren a ni a ti thung a.
He lawngah hian hnathawk 23 an awm a, an zinga 18 te chu India ram mi an ni a, midangte chu Phillipines, Latvia leh Russia ram mite an ni.
Hemi hmalam hian Iran-a Islamic Revolutionary Guard Corp chuan Stena Impero hian international maritime thupek a bawhchhiat avangin an man tih an sawi.
Tunhnaiah Iran leh UK leh US te inkar boruak a \ha lo chho hle a, kum 2015-a nuclear ralthuam chungchanga inremna a\anga US a inhnuhdawh hnu-a Iran a hrek zui avangin Iran leh US inkar boruak pawh a \ha lo hle a, May thla hnuah Iran hian ramdang lawng te a bei fo niin US chuan a sawi a, nimin maiah pawh Iran drone pakhat chu an kapthla tih US chuan a sawi a ni. Nuclear ralthuam chungchanga inremna a\angin UK hi inhnukdawk ve lo mahse, tunhnaia UK lawng sipaiten Iran lawng pakhat an mansak avangin an inkar boruak a \ang chho ve leh bawk a ni.
