Qassem Soleimani vuina hi Tehran University-ah buatsaih a ni a, Iran Supreme Leader, Ayatollah Ali Khamenei chuan Muslim \awng\aina-in a thlah a ni. Khameinei hi Iranian Revolutionary Guard Corps hotu a ni a, a fanu, Zeinab chuan US leh a \anrualpui Israel ten a pa an thah vangin hun thim tak an hmachhawn tih a sawi a, Trump chu mi ^ tia sawiin, a pa vuina chu a tawpna a ni dawn lo tih hre turin Trump chu a chah bawk a ni. Zeinab chuan Middle East-a US sipai awm te chuan an nupui fanaute thih hun nghakin an hun an hmang mek tih a sawi bawk.
Iran President, Hassan Rouhani leh Iran Parliament Speaker, Ali Larjani te, Brig. General Esmail Qaani leh Quds Force Commander thar ni bawk te pawh Qassem Soleimani vuina hian an tel a, urhsun takin an vui a ni.
Brig. General Esmail Qaani chuan martar Soleimani kawng zawh chu a sipai rualte nen an zawh chhunzawm dawn tih sawiin, an lusunna hnem theitu tur ber chu Middle East a\anga America um chhuah a ni tih a sawi.
Soleimani-a vuinaa tel, Middle East-a Iran thawhpui, Palestine group Hamas hruaitu, Ismail Haniya chuan Soleimani chu Jerusalem Martar-ah a puang a ni.
Soleimani-a ruang dahna kuang hi Ahvaz leh Mashhad ah te kawng zawhpui a lo ni tawh a, khawpui hrang hranga sunna hun hman a nih hnuah a pianna khua Kerman ah phum a ni ang.
