Khamenei chuan Iran-a hnam hrang hrangte inpumkhatna leh ropuina zawng zawngte chu engtikniah emaw a la lang chhuak dawn tih a sawi. Khamenei hian kum 1989 a\ang khan an ram inrelbawlna pisa sang ber a luah a, kum 80 mi a ni tawh a ni.
Hetihlai hian US-in Iran a hrek vangin Iran hruaitute chu an talbuai hle a, Nilaini khan President Hassan Rouhani chuan rampum inpumkhatna nei turin mipuite a sawm a, Ukraine thlawhna kahthlak chungchangah sipaite chu chanchin kimchang pe turin a ngen bawk.
Ukraine khualzin phur thlawhna, Boeing 737-800 Tehran a\anga Kyiv pana tun thla ni 8-a thlawk chu a thlawh chhuah a\anga reilote hnuah a tla a, mi 176 phurin an vaiin an thi a, an zingah Iran leh Canada mi engemawzat an tel a ni.
Iran thuneitute chuan a tirah mawh an phur lo tih sawiin, Iran sipaite kahthlak nia puhna chu an pha a, khawvel ram hrang hrangin na taka an nawr zui tak avangin Revolutionary guard chuan tihpalh thil thua kah a ni tih an puang ta a ni.
