Karbala-a Iran consulate beitute hian concrete bang lawn liamin, Irag hnam puanzar an zar a, Iraq chu ram zalen a nih thu te auchhuahpuiin, Iran chu inrawlh lo turin an au bawk a ni. Iraq tualchhung buainaah hian Iran chu inrawlhah mipui lungawi lote hian an puh a ni. Venghimtu sipaite chuan lunga anmahni vawmtu mipui pungkhawm hnawhdarh tumin van vawr zawngin silai an hmetpuak a, mipuite hian motor ke te halin sipaite hi an tawng chhunzawm zel a, sipaiten silaia an hmehpuah bakah mittui tlakna hlo te an kap chhuak a ni.
Iraq ah hian sorkar kalphung thlak danglam duhin mi tam takin lungawi lohna an lantir chhunzawm zel a ni.
Hetihlai hian Iraq Prime Minister Adel Abdul Mahdi chuan lungawi lohna lantirtute hi an thil tih bansan tura ngenin buaina an siam avangin an ramin dollar tluklehdingawn tel tam tak a hloh tawh a ni a ti a, October thla tir a\anga sorkar laka lungawi lohna lantir \an anih a\ang khan Iraq ram inrelbawlna, sumdawnna leh hmasawnna hnathawh te nasa takin a nghawng a ni.
