IRGC chu mi firfiak pawl an ni lo- Russia Foreign Ministry

Russia Foreign Ministry chuan Iran rama Islamic Revolution Guards Corps chu mi firfiak pawl an nih loh thu leh, US President Donald Trump-a’n mi firfiak pawl anga puan a tum chu an dodal thu vawiin khan a sawi. Puan tawh angin August thla khan Donald Trump hian Russia, Iran leh North Korea hrekna tur dan a lo siam tawh a, he dan tlawhchhan hian US chuan kawng hrang hrangin hian Iran ram hi a hrek belh bakah, IRGC hrekna pawh siam belh a ni a, CAATSA tlawh chhan vek hian Iran leh IRGC hi hrek belh a tum mek bawk a ni. Iran chuan CATSA hi kum 2015-a an ram leh UN ram hrang hrangten nuclear ralthuam siam chungchanga thu an lo thlun tawh, Joint Comprehensive Plan of Action chu kalh niin a sawi ve thung a, IRGC hruaitu, Ayatollah Seyed Ali Khamenei chuan JCPOA hi US hian a bawhchhe mek nia sawiin, na taka chhan let an inpeih thu a lo sawi tawh a ni. Iran bakah Russia, China, US, Britain, France leh Germany te chuan Iran ramin nuclear hmanrua a sawngbawl dan tur chungchanga thu an lo thlun tawh, JCPOA hi nikum January thla a\ang khan hman \an a ni a, International Atomic Energy Agency, IAEA chuan he thuthlung hi Iran hian a zawm \ha niin vawi tam tak a lo sawi tawh a ni.