Jewish Nation State Bill hian Arabic chu an ram \awng official language a\angin a paih a, hemi hmalam hi chuan Israel ah hian Arabic leh Hebrai \awngte chu official language-a pawm a ni. Hei bakah hian Juda te chenna zauh zel chu an ram tana thil pawimawh a ni tih te, Jerusalem pumpui chu Insrael khawpui a ni tih te he dan tharah hian a chuang bawk a, Arab mi Israel Parliament member te chuan he dan thar hi na takin an sawisel a, Prime Minister Benjamin Netanyahu erawh chuan dan thar hi fakin, thil awmdan ti chiangtu dan pawimawh tak a ni a ti thung. He dan tharah hian Israel chu hmasang a\anga Juda te chenna ram a nih avangin an duh anga rorelna an kalpuina hmun tur a ni tih tarlan a ni.
He bill sawi hona, Knesset-a neihah hian boruak a sang hle a, darkar 8 zet sawiho anih hnuah MP 66 in a thlawp zawngin an vote a, 55 in a duh lo zawngin vote an thlak a ni.
Israel-ah hian mihring cheng zawng zawng a\anga zaa 20, mi maktaduai 9 vel zet chu Arab mi, Israel khua leh tui nihna nei te an ni a, tunhma a\ang tawhin inthliar hranna a lo awm tawh \hin tih sawiin, an lungawi loh thu an lo sawi chhuak tawh \hin a, Arab MP Ahmed Tibi chuan dan thar pass tak hi Democracy tih chhiat vekna a ni a ti.
