Zirtawpni leh Inrinni nileng khan n Luangpawl Biak Inah rorel palai 116 ten ro an rel a, an thurel langzar zual zingah chuan Isua Krista Kohhran an chhinchhiahna atana kraws sen hmang nena inchhunfin leh tura inremna thutlung Joint OB-in a lo siam tawh chu lungrual taka pawm a ni a, inremna siam hun tur chungchang pawh
Assembly rorelna nghah kher ngai tawh lovin Hruaituten Kohhran tana him tawk leh \haa an hriat huna an sign rem tih a ni a, kum 2018-2019 Budget atan Rs. 1,33,96,000/- pawm a ni a, 2019-2022 Central |halai Leader-ah Upa Dengtluanga Ngente leh Rampum Hmeichhe Chairman-ah Pi Lalthansangi te ruat an ni. Kum 2019 Assembly inkhawmpui chu Bawngthahah nghah a ni a, thupui atan ‘Ram chu Lalpa ta a ni’ tih hman a ni ang. Kum 2020 kumah chuan West Lungdarah Assembly inkhawmpui hi hman a ni ang. Pathianni chawhma inkhawmah Assembly Chairman, Upa Lalhriata’n Pro. Pastor Malsawmkima Pautu chu Pastor puitling ni turin a nemnghet a ni.
Isua Krista Kohhran Gen. Hqrs. Vaivakawn, an chhinchhiahna atana Kraws sen hmang pawhin tun thla ni 6, Ningani zan a\anga nizan thleng khan Thenzawlah General Assembly an nei a, hetah hian IKK var nen an inremna tur thuthlung Joint OB ten an duan lailawk chu lungrual taka pawm a ni.
