Italy-ah hian Covid-19 vei mi 9,172 hmuh an ni tawh a, thihpui mi 463 an awm tawh a ni. Italy-a Covid-19 kai hmasa ber February ni 21-a hmuhchhuah chu ICU a\angin a chhuak tawh a ni. Italy-ah hian infiamna chi hrang hrang hmachhawp zawng zawng chu April ni 3 thleng tihtawp lailawk vek a nih thu prime minister, Giuseppe Conte chuan a sawi a, chung zingah chuan Seria A pawh a tel a ni.
China President Xi Jinping chuan Covid-19 a len a\ang a \um khat nan natna hri darh chhuahna hmun Wuhan a tlawh a, China-ah hian vawiin khan kai thar mi 19 chauh an awm tawh a, chung zinga 17 te chu Wuhan-a awm te an ni. China-ah hian Hubei province pawn lamah darkar 24 chhungin kai thar finfiah an awm rih lo a ni.
Hetihlai hian khualzin phur lawng Grand Princess-a hren khualzinte chu California Oakland-ah thiar chhuah an ni. South Korea-ah chuan Covid-19 kai thar an tlem telh telh a ni.
Zimbabwe-ah chuan coronavirus kai finfiah an la awm lo va, damdawi ina enfiah tura tih mi pakhat chu an enfiah hma-in a tlanbo va, a chenna in hriat a nih hnuah police te an hriattir a ni. Africa chhehvelah chuan Covid-19 vei mi 100 finfiah an ni tawh a, Egypt-ah mi 55, Algeria-ah mi 20, South Africa-ah mi 7, Tunisia-ah mi 5, Senegal-ah mi 4, Morocco, Cameroon, Burkina Faso leh Nigeria-ah mi 2 \heuhin an vei a, Togo-ah mi pakhat vei hmuh chhuah a ni bawk.
US Republican senior member 5 leh Texas Senator Ted Cruz te chu Covid-19 vei mite tunhnaiah an kawm avangin anmahni leh anmahni an inkhung hrang a ni.
UK thuneitute chuan natna tenau vanga damlo zawng zawngte chu pawn chhuak lova mahni in lama inkhung rih turin a hriattir a, Chief medical adviser chuan he hriattirna hi ni 10 a\anga ni 14 hman tur a ni tih a puang bawk.
Israel Prime Minister, Benjamin Netanyahu chuan Israel-a khualzin thleng thar te chu mahni \heuh ni 14 chhung pawn chhuak lova inkhung hrang rih turin a hriattir a, Israel-ah mi 42 kai an awm tawh a ni. Thailand chuan he natna hri hi mi 3-in an kai thar tih a finfiah a, heng mite nen hian Thailand-a Covid-19 kai tawh zat chu mi 53 an tling tawh a ni.
