Abe chuan khawvel pum sum leh pai dinhmun inher dan thlirin thil zuartute chuan mumal taka chet chhuah an hreh niin a sawi.
Bank of Japan chu thil zawrh tlachhe tur chhawmdawlna kawngah tha thawh turin Abe chuan a nawr a ni. Thawh\anni khan Japan-a thil zawrh chu za zela 5-in a tlahniam a, hei hi Japan rama sumdawngte inhralh tlem ber \um a ni.
Russia leh Saudi Arabia inkara tuialhthei man chungchanga innghirnghona a thlen hnuah Asian share leh khawvela stock market tam zawkte sum dinhmun chu nasa takin a nghawng a, coronavirus leng vangin sum leh pai dinhmun a tla chhe nasa hle a ni.
Bank of Japan governor Haruhiko Kuroda chuan an ram sumdawnna chu coronavirus vangin a derthawng tih Parliament a hrilh a ni.
