Japan thlawh khuma missile kah chhuah chu a thil tum zinga a hmasa- North Korea

North Korea chuan Japan thlawh khuma missile a kah chhuah chu Pacific tuifinriat leh a chhehvela thil tih a tum zinga a hmasa niin a sawi a, US awp, Guam thliarkar lam hawia missile kah a tum thu pawh a sawi ri leh. Puan tawh angin, nimina North Korea missile kah chhuah hian Japan hmar lama Hokkaido thliarkar a thlawh khum hnuah Pacific tuifinriatah a tla a, he thil thleng avang hian Japan sorkar a thinur hle a, PM, Shinzo Abe-a chuan North Korea chet dan chu na taka demin, Japan ram leh chhehvel tan thil hlauhawm tak a nih thu a sawi a, Russia leh China chuan hetianga North Korea chet chhanah hian US leh South Korea chu puhin, indo nun chan an zir dun vang niin an ngai a ni. North Korea sorkar hnuaia Korea Central News Agency chuan a missile kah chhuah chu US leh South Korea indo nun chan zir chhan letna a nih thu leh, kum 1910-a Japan leh North Korea-in inremna thu an thlun champhaphak hriatrengna niin a sawi a ni.