J&K Assembly Budget Session-a inau buai, eptu pawl chhuak tau

Vawiina Jammu and Kashmir Assembly Budget session-ah inauh buaina nasa tak a thleng a, state Larsap, N N Vohra-a’n House pahnih member-te hmaa thu a sawi laiin eptu pawlte an chhuak tau a ni. Rorel lai, PDP leh BJP \ang dun kaihhruai sorkar chu kawng tinrenga hlawhchhamah an puh a ni. Larsap-in Central hall-a thu a sawi \an rualin, Congress lehNational Conference member-te chu ding chhuakin, state sorkar hlawhchhamna chungchang an aupui a, thuziak te an lek chhuak bawk a, National Conference MLA, Mohammad Shafi Uri chuan sorkar hlawhchhamna nia a sawi, ziah sa a chhiar chhuak a, hengte pwh hi Larsap chuan a ngaihthlak vek hnuah, ziaka thehl<t turin a hrilh a, hemi hnua thu a sawi \an rualin eptu pawlte chu an au chhuak ta tho a ni. An au hnu hian Larsap chuan a thusawi chu rei lote a titawp a, bengchheng chu a ziaawm theih loh avang leh, dawhkan te an chum t^k zel avangin Larsap chuan thu a sawi lui ve ta thung a, hetianga engemaw chen an buai hnuah hian National Conference leh Congress member-te chu an chhuak ta a ni. Independent MLA, Rasheed Ahmed-a chu chhuak ve lovin, a au zui zel thung a ni.