Hawnna inkhawm hmanpuitu Chief Secretary, Pu Lalnunmawia Chuaungo chuan, YMA-in kumpuan atana Ram leh Hnam Humhalh tih \um engemawzat a hmang ta chu ram tan a \ul zia ti chiangtu a ni tih a sawi a, hetihlai hian chhung lam leh pawn lam a\anga ram leh hnam tichhe theitu laka lo invenna atana hmanraw pawimawh chu taimakna, rinawmna leh duhamna laka fihlim a ni tih sawiin, Chief Secretary chuan, ILP tel lova Mizote chimral mai tur anga inngaihna awm \hin chu \ha lo a tih thu a sawi a, ILP neih theih chhung chu neih a \ha tih sawiin hetihrual hian ILP ngai lo leh YMA Kumpuan atana ‘Ram leh Hnam Humhalh’ hman ngai lova Mizoram leh Mizo hnam a ngheh hun a nghahhlelhawm hle niin a sawi a, chuta tan chuan rilru lama inbuatsaih turin \halaite a fuih a ni.
Pu Lalnunmawia Chuaungo chuan Mizo lehkhathiam, an phu tawk hnathawh tur hmu mai lo te pawhin an hmuh ang ang hna thawk hreh lo turin a fuih a, eng hna pawh thawk se, zirchhuah tur a awm zel tih sawiin Central sorkar hnuaiah mi tam zawkin hna thawk thei se a duh thu te leh heta \anga an tawnhriat te chu Mizoram tan a la \angkai theih dawn thu te a sawi bawk a ni. Mizoram leh hnam tana a hnahtawh \hat avangin Pu Lalnunmawia Chuaungo hi Kanan Branch YMA-in chawimawina thuziak an pe a ni.
Inkhawm hi an pawl Vice President, Pu Joseph Lalnunmawia’n a kaihruai a, malzai leh hnam lam te entir a ni a bawk.
