P&E department hotute hnen a\anga Zonet thudawn danin, Tuirini Hydro Electrict Project siamna atan hian ram 5 inzawmkhawm – Brazil, Russia, India, China leh South Africa (BRICS) sum chu Loan hmanga puk a ni dawn a, hemi atan remtihna hi nimin-a New Delhi-a mipawimawhte \hukhawmin an siam a, hetah hian Mizoram Sorkar aiawhin P&E Secretary, Pu H. Lalengmawia pawh a tel ve a ni. P&E hotute chuan, BRICS sum hi engzat chiah nge puk a nih dawn hriat theih ala ni rih lo niin an sawi a, Tuirini Hydro Electrict Project siamna atan hian cheng vaibelchhe 465 ruahman a ni a, heta \ang hian Mizoram Sorkar tum ve tur engemawzat a awm a, hemi tih loh a bak zawng chu Loan hmangin BRICS pawisa hi puk a ni dawn niin an sawi. Zawhna chhangin P&E Department hotute chuan, sum puk zat tur hi chiang taka hriat la ni rih lo mah se, sum puk tur thu erawh a chiang tawh a, Screening Committee pawhin a pawmpui tawh nia sawiin, sum hmuh a nih veleh hnathawh \an nghal a nih tur thu an sawi.
Kawlphetha Megawatt 38 pechhuak thei tur Tuirini Hydro Electrict Project siamna atan hian Mizoram Sorkar chuan SPML Infra Ltd. chu inremna a lo ziahpui tawh a ni.
