Power and Electricity Department hotute hnena a\anga Zonet thudawn danin, he ruahmanna tihhlawhtling tur hian Mizoram Solar Policy, 2017 duan a ni a, he Policy hnuaiah hian Solar Plant 5 siam tura \anlak mek niin, Champhai District-a Vankal khaw daiah Solar Park din tura ruahmanna bawhzui mek a ni a, he Park a\ang hian kawlphetha Megawatt 20 siam tum a ni a, tunah hian a panna tur kawngpui laihmek a ni tih an sawi. P&E hotute chuan, Saitual bula North Lungpherah pawh kawlphetha megawatt 30 pechhuaki thei tur Solar Plant siam a ni dawn niin an sawi a, hei hi Relyon Company-in an mahni sum seng vekin a siam dawn a, heta \anga kawlphetha an siamchhuah chu Mizoram Sorkar-in a leichhawn sak dawn tih an sawi. Tlungvelah pawh megawatt 2 pechhuak thei tur chu Zoram Energy Development Agency (ZEDA)-in a buaipui dawn a, hemi buaipui nan hian NEDP a\angin sum hmuh a ni tawh a, a hmuh tur pawh tihfel tawh niin, rei loteah hna thawh \an theih thuai beisei a ni. Sihhmuiah pawh Mizo Company pakhat MEDA-in kawlphetha megawatt 10 pechhuak thei tur Solar Plant an siam dawn a, hei hi an mahni senso veka buaipui tur niin, Sub Station-a a pekchhawnna thleng an buaipui ang a, heta \anga kawlphetha an siam chhuahte chu Sorkar-in a leichhawn sak dawn a, Lengte-ah pawh CKCB Company-in an mahni ramah megawatt 22.5 pechhuak thei tur Solar Plant an siam dawn a, hei pawh hi Mizoram Sorkar-in a leichhawn sak dawn a ni.
Zawhna chhangin P&E hotute chuan, Solar plant chu mahni duhna hmun hmuna bun mai theih a nih loh thu leh a ram awm dan chu chhim chhawng zawng zel ni thei se duhthusam a nih thu an sawi a. Hemi piah lamah hian a hmun chu Sub Station a\anga hnai thei ang ber ni thei se duhthusam a nih thu an sawi.
