Khawvel ram 100 chuanga \aidarha mi 3,000 chuangin a thihpui tawh coronavirus hi Jammu-ah pawh nu pakhat kum 63 mi pawhin a kai tihfinfiah a ni a, Tamil Nadu-ah pawh mi pakhat kum 45 miin a kai bawk a, heti hian ram pumah mi 43-in he natna hi an kai tawh a, kai zinga mi pathumte chu an khunghranna a\angin damin an chhuak tawh bawk.
Kerala naupang Covid-19 kai hi Italy-a chhungten an zin pui a, Inrinni khan Kerala-ah haw-in Kochi |umhmuna endiknaah naupang hian Covid-19 chu a kai tih finfiah a ni a, a chhungte chu damdawi inah enthlak turin an khung hrang nghal a ni.
Jammu-a nu pakhat Covid-19 kai chu Iran-a zin a ni a, a rual hian damlo dang pahnih pawh Government Medical College damdawi inah khung hran an ni a, an dinhmun erawh a pangngai rih nia sawi a ni.
Bengaluru-a Kindergarten te chu a \henawm Kerala leh Tamil Nadu-ah coronavirus kai an awm tawh vangin invenhim nan khar lailawk a ni.
Sorkar chuan khualzin phur lawng, ram pawn a\anga tawlh luh chu khap turin ruahmanna a siam a ni.
Health Ministry sawi danin laboratory 52 chu ram pumah Covid-19 enfiah nan hnathawk tura duan a ni a, laboratory 57 dang a siam belh bawk.
