Khawkawn khaw chhuak Mizoram, Manipur leh Meghalay hmun hrang hranga awm ten Manipur ramri-a Duty Khawkawn Village Level Task Force puala sum an thawh khawm chu nizan khan Lengteng Bialtu MLA, Pu L. Thangmawia kaltlangin an hlan.

Khawkawn khaw chhuak hmun hrang hranga awm te sum thawhkhawm hi cheng sing 4 chuang a ni a, sum hi Khawkawn Welfare aiawhin Pu K. Zomuanthanga’n Bialtu MLA, Pu Thangmawia kutah a hlan a. Pu Thangmawia chuan,hri leng vanga harsatna tawh mek laia mi inphalten tanpuina an pe thin chu a chhuan thu a sawi a. Hri leng mek do kawngah Sorkar thawhpui zel turin a sawm nghal a ni.