Dr. Zosanglura, Dr. B. Thangdailova fapa hi Royal Surrey County Hospital, Guildford UK ah a thawk mek a, amah hi Endocrinologist a nih bakah Diabetes ah thiamna bik nei a ni a, Acute Medicine-ah Membership of the Royal Colleges of Physician MRCP a nei bawk. A thawhna Royal Surrey County Hospital, Guildford hi khum 520 awmna District General Hospital a ni a, Acute Medicine-ah thiamna a neih avang hian COVID-19 veite enkawlna ward ah a duty mek a, rim taka thawkin damlo 60 chuang an enkawl a, hnamdang zingah chawimawi a hlawh hle a ni.
Dr Zosanglura hi a nupui Pi Zorini leh an fanu nen Guildford UK ah hian an cheng a, RIMS Imphal atanga MBBS a zir zawh hnuah UK ah hian a kal a, harsatna tam tak a paltlang hnuah damlo te tidam turin Doctor hna hi a thawk mek a ni. UK ah hian coronavirus kai mi nuai 1 sing 4 sang 3 chuang an awm tawh a, a kai tih finfiah zingah sing 1 sang 9,506 an thi tawh a ni.
Dr Zosanglura ang bawk hian Mizote zingah ramdanga awm, hri leng dona kawnga thawh hlawk tak tak engemawzat an awm a ni.
